ازاي تعمل اشتراك الطلبة في المترو والقطر والنقل العام
أولًا: اشتراك القطر (سكك حديد مصر)
-
لو طالب في أو جامعة أو تعليم انتساب موجه، تقدر تعمل اشتراك مخفض في القطر يوصل لخصم 81%، وده بيكون في الدرجات التالية:
-
•الدرجة التالتة (تحيا مصر)
-
الدرجة التالتة تهوية
-
الدرجة التالتة مكيفة الاشتراك مدته قد إيه؟9 شهور دراسية (وممكن تمتد كمان 3 شهور تدريب لو جهة الدراسة وافقت)بس خد بالك.. أقصى مسافة سفر للرحلة 400 كم
خطوات عمل الاشتراك:
-
تروح تجيب نموذج 256 المعدل من مكتب الاشتراكات (قيمته 5 جنيه).
-
تملاه ببياناتك، وتخليه يتختم من الكلية بختم شعار الجمهورية.ترفق معاه صورتين شخصية حديثة، واحدة منهم تتختم جزء منها على الصورة وجزء على الورق.
-
تكتب عنوانك ومحل سكن ولي أمرك، لإنه مسؤول معاك لو حصلت أي مشكلة في الاستخدام.
-
بعد كده تسلمه في مكتب الاشتراكات بالمحطة التابع ليها.
-
لو انت ابن عامل في السكة الحديد:
-
ليك اشتراك مجاني في القطر (في الدرجة الأولى المكيفة أو الدرجة التالتة حسب وظيفة ولي أمرك).
-
ممكن كمان تاخد تصريح مرور أسبوعي عشان تزور أهلك وترجع الجامعة.
ثانيًا: اشتراك المترو
-
المترو بيقدم اشتراكات للطلبة مخفضة جدًا على حسب عدد المحطات اللي بتستخدمها.
-
تقدر تعمل اشتراك من مكاتب الاشتراكات في المحطات الرئيسية زي الشهداء، السادات، والعتبة.
الأوراق المطلوبة:
-
استمارة اشتراك من المترو
-
صورتين شخصية.
-
ورقة مختومة من المدرسة أو الكلية (بختم شعار الجمهورية).
-
بطاقة الرقم القومي أو صورة منها.
-
أسعار الأشتراكات الربع سنوي
-
150 جنيه – مرحلة واحدة
-
200 جنيه – مرحلتين
-
250 جنيه – ثلاث أو أربع مراحل
-
300 جنيه – أكثر من أربع مراحل
ثالثًا: اشتراك النقل العام (أتوبيسات هيئة النقل العام)
-
لو بتستخدم أتوبيسات هيئة النقل العام في القاهرة الكبرى،
تقدر تعمل اشتراك كطالب:
الأسعار:125 جنيه شهريًا لو بتستخدم خطين.
-
290 جنيه شهريًا لو هتركب أي خط في الهيئة.
بتعمله إزاي؟
-
تروح لأقرب مكتب اشتراكات تابع لهيئة النقل العام وتجيب استمارة وتملاها وتروح لإدارة شئون الطلاب ومعاك صورتين شخصيتين.
-
طبعا هيتم مراجعة بياناتك طبقا للسجلات من قبل المسئول المختص وهتوقع الاستمارة من مدير الإدارة وتختمها بشعار الجمهورية وتروح تسلمها لمكتب الاشتراكات بتاع هيئة النقل العام، وتدفع الرسوم وتستلم الاشتراك.
-
نصيحة أخيرة:كل ما تجهز أوراقك بدري وتختمها من الجهة التعليمية، تخلص أسرع وتبدأ تستخدم الاشتراك من أول أسبوع دراسة. الاشتراك بيوفرلك كتير وبيسهل عليك المواصلات خصوصًا لو بتسافر يوميًا.لو محتاج تعرف أماكن مكاتب الاشتراكات أو عايز مساعدة في ملء الاستمارة، اسأل موظفي المحطة أو تابع الصفحة الرسمية للهيئة اللي هتعمل فيها الاشتراك.
رابعا: الاشتراك في الاوتوبيس الترددي للطلبة
- موعد التقديم
الفترة من 1 إلى 7 سبتمبر 2025
- استمارة التقديم
متاحة على الموقع الرسمي
https://brt-eg.com
ويتم طباعة الاستمارة وختمها من الكلية مرفق بها “صورة بطاقة الرقم القومى أو شهادة ميلاد كمبيوتر، وصورة شخصية حديثة مختومة بختم شعار الجمهورية على الظهر”.
- التقديم:
في أحد منافذ الاشتراكات بمحطة أكاديمية الشرطة أو محطة الإسكندرية الزراعي.
- مدة الاشتراك
يستخرج الاشتراك من مقر السكن إلى مقر الدراسة فقط، ولمدة 3 أشهر، حيث يتم تحديد محطة الركوب والنزول فى الاشتراك وممنوع استخدام الاشتراك بعد انتهاء صلاحيته وإلا سيتم دفع غرامات.