لو خلصت ثانوي عام وبتدور على بلد تعليمها محترم وتكاليفه معقولة وتقدر تلاقي فيها منح دراسية، ماليزيا ممكن تكون من أحسن الاختيارات اللي قدامك.
ليه ماليزيا؟
فيها أكتر من 160 جامعة حكومية وخاصة.
التعليم هناك بجودة عالية، ومعترف بيه في جامعات كتير حوالين العالم.
الدراسة بالإنجليزي في أغلب التخصصات، وده بيسهّل عليك الموضوع.
التكاليف تعتبر أرخص بكتير من أوروبا وأمريكا.
البلد نفسها آمنة ومريحة، والمواصلات والسكن فيها متوفر وسعره معقول.
طيب إيه الوضع بخصوص المنح الدراسية؟
المنح الحكومية:
المنح الحكومية الماليزية (زي منحة MTCP أو MIS) بتكون مخصصة لطلبة الدراسات العليا بس (ماجستير ودكتوراه).. يعني باختصار الحكومة الماليزية مش بتدي منح لبرامج البكالوريوس، يعني لو أنت لسه مخلص ثانوي، المنح دي مش ليك.
طب واللي عايز منح للبكالوريوس؟
المنح اللي ممكن تقدم عليها وأنت لسه خارج من الثانوي بتكون من الجامعات الخاصة.
في جامعات ماليزية خاصة بتدي منح كاملة أو جزئية بناءً على التفوق الدراسي أو مهارات تانية زي القيادة أو الرياضة أو التطوع.
التقديم بيكون مباشرة على موقع الجامعة، مش من خلال الحكومة الماليزية.
أهم الجامعات الخاصة اللي بتقدم منح:
1. جامعة UCSI
بتقدم منحة اسمها: UCSI Trust Scholarship
للطلاب المتفوقين أكاديمياً أو عندهم إنجازات رياضية أو فنية.
