لو نفسك تشتغل في المجال الطبي بس مش دكتور أو صيدلي.. فالكلية دي هتكون مناسبة ليك، لأنها كلية بتربط بين العلوم الأساسية والطب.
يعني بتخرج أخصائيين فاهمين في التكنولوجيا والأجهزة الطبية ويقدروا يشغلوا المعدات اللي بيستخدمها الدكتور في التشخيص والعلاج، والكلية بتجهزك لسوق العمل في المستشفيات والمعامل ومراكز الأشعة، عشان تبقى الدراع اليمين للدكاترة وتساعد في تقديم أحسن رعاية صحية للمرضى.
مدة الدراسة: 5 سنوات (تشمل سنة امتياز)
نظام الدراسة: الساعات المعتمدة
الشعب المقبولة: علمي علوم – علمي رياضة
الأقسام: تكنولوجيا المختبرات الطبية، تكنولوجيا الأشعة والتصوير الطبي، تكنولوجيا الأجهزة الطبية الحيوية، تكنولوجيا البصريات وعلوم الرؤية، تكنولوجيا الإدارة والمعلوماتية الصحية، تكنولوجيا صناعة تركيبات الأسنان، تكنولوجيا الرعاية الحرجة والتخدير، تكنولوجيا التنفس الصناعي، تكنولوجيا التغذية وسلامة الغذاء، تكنولوجيا الصحة العامة، تكنولوجيا رسم المخ (قيد التفعيل ببعض الجامعات)
