تعريف بكلية هندسة البترول ونظام الدراسة وأهم الأقسام
الزتونة يا باشمهندس لو بتفكر في تخصص مختلف، مطلوب، وليه شغل كتير في مصر وبره… يبقى تعالى نكلمك عن هندسة البترول.
هندسة البترول هي الفرع اللي بيشتغل على استكشاف النفط والغاز، وحفر الآبار، واستخراجهم بأكفأ الطرق. الدراسة في الكلية بتكون 5 سنين.. أول سنة “إعدادي هندسة”، بتاخد فيها أساسيات الرياضة والفيزياء والكيمياء والرسم الهندسي. وبعد كده بتتوزع على الأقسام حسب ميولك وتقديرك.
الكلية فيها أقسام كتير زي:
- هندسة البترول
- تكرير البترول والبتروكيماويات
- هندسة الفلزات
- هندسة المناجم
- الهندسة الجيولوجية والجيوفيزيائية
- استكشاف وإنتاج البترول
وكل قسم في الأقسام دي ليه شغل ميداني وتطبيقي، وفيه تدريب عملي كتير على أحدث أجهزة التنقيب والتحليل.
طيب مجالات الشغل إيه؟
بعد ما تتخرج من الكلية تقدر تشتغل في شركات البترول، التنقيب، الحفر، إنتاج الغاز، تصميم المعدات، أو في مجال البحث الجيولوجي وتحليل التربة والمعادن… وفي فرص شغل جوه مصر وبره.
يعني م الآخر.. لو نفسك تشتغل في مجال مهم ومطلوب عالميًا، ومستعد تبذل مجهود… فكلية هندسة البترول والتعدين ممكن تكون مستقبلك.